Antaŭ longe, kelkaj membroj de Hispana Esperanto-Federacio interparolis pri organizo de promenado laŭ la Jakoba Vojo. Fine, ni decidis tion fari, kadre de la 79a Hispana Esperanto-Kongreso, kiu disvolviĝos en Komilo (Kantabrio, norda Hispanio).

Ne temas pri konkuro sed nur pri trankvila, iom longa promenado. Ni promenos, parolos esperanton, kantos, ridos, ĝuos la pejzaĝojn…

Ankaŭ ne temas pri “religia promenado”, kvankam, kompreneble, ankaŭ homoj kun forta religia spirito povas aliĝi, ne tiu estas la karaktero de la kunmarŝado en ĉi tiu okazo.