Tema diskutado kaj Ateliero – 76: Klik-klak karto-malstreĉilo. Ĉu ni povas

Hodiaŭ ni diskutos en tre trankvila etoso la temon pri streĉo, pri ĝiaj bonaj kaj malbonaj flankoj, kaj pri rimedoj, kiuj helpas eliri la streĉon kaj reenhavi bonan humoron. Ni faros paperan ludilon - malstreĉilon, kiun instruos origamistino kaj infana psikologistino, Olga Yaroslavtseva. Ŝi ankoraŭ ne estas esperantistino sed tamen ŝi faros sian atelieron Esperante. 

12.03.2023, https://us02web.zoom.us/j/87857894318

Kunven-identigilo (Meeting ID): 878 5789 4318

Pasvorto ): skribu la nomon de nia kara kaj komuna lingvo per minuskloj 

La ateliero okazas kun Zoom-subteno de IREA ĉiudimanĉe, je la 19.00 - 20.30 laŭ la horzono de

Francio (18.00-19.30 laŭ UTC)

En la atelieroj kaj prelegetoj de Larysa Osadchuk (asocio “Animation Création Cullture Origami”) ni volas prezenti origamion kiel nevortan universalan lingvon, kiu faciligas la komunikadon, kaj trovi en dialogo kun esperantistoj, ĝian aplikon por disvastigi Esperanton. Ni ankaŭ montras ke origamio ne estas nur la malnova japana arto por krei modelojn el papera kvadrato sen gluo kaj tondilo, sed nuntempe fruktodona scienco kaj tekniko, kiu laboras en diversaj kampoj: en matematiko, inĝeniera arto, arkitekturo, dizajnado, pedagogio kaj art-terapio. Ni prediskutas diversajn aspektojn de origamio kaj faldas interesajn modelojn rilate al la temo de la ateliero. Origamio iĝas pli kaj pli atentokapta ŝatokupo por ĉiuj en la mondo, sendepende de aĝo aŭ profesio; ĝi paroligas homojn kaj kreas etoson de konfido kaj ĝojo.

Esperanto kaj origamio - du universalaj lingvoj por internacia komunikado. Aliĝu!

Korajn dankojn al Carlos Oliveira, esperantisto kaj origamiisto el Brazilo, por la belega afiŝo kaj al Alain Delmotte, esperantisto kaj origamiisto el Francio, por teknika helpo.