Ni volas prezenti origamion kiel nevorta universala lingvo, kiu faciligas la komunikadon; kaj trovi, en dialogo kun esperantistoj, ĝian aplikon por disvastigi Esperanton. Ni ankaŭ montros ke origamio ne estas nur la malnova japana arto por krei modelojn el papera kvadrato sen gluo kaj tondilo, sed nuntempe fruktodona scienco kaj tekniko, kiu laboras en diversaj kampoj: en matematiko, inĝeniera arto, arkitekturo, dezajnado, pedagogio kaj art-terapio. 

Ĉifoje ni faldos 2-3 interesajn modelojn rilate al la temo de la ateliero. Origamio iĝas pli kaj pli atentokapta ŝatokupo por ĉiuj en la mondo, sendepende de aĝo aŭ profesio; ĝi paroligas homojn kaj kreas etoson de konfido kaj ĝojo.

 

 

Ni konatiĝos kun Akira Joŝizava – aŭtoro de la universala signolingvo de origamio kaj siaj artaĵoj. Ni ekscios, kiuj estas la bazaj formoj  kaj faldos kelkajn interesajn modelojn laŭ kelkaj el ili. 

 

 

La ateliero daŭras ekde la 19.30 al 21.00 (horzono de Francio GMT+2), ĉi dimanĉon, 23.08.2020
Jen la ligilo por la virtuala ateliero de origamio:

Kunven-identigilo (Meeting ID): 854 0023 7948

Pasvorto (Password): la nomo de nia kara kaj komuna lingvo per minuskloj

 

Korajn dankojn al Carlos Oliveira, esperantisto kaj origamiisto el Brazilo, por la belega afiŝo kaj al Alain Delmotte, esperantisto kaj origamiisto el Francio, por teknika helpo.