Venu al ni dum ni esploras la edukajn valorojn de Virtuala Realeco kun koncentriĝo pri lingvolernado. Krome ĝuu vesperan programon kun diversaj videoludoj. Ni renkontiĝos en la Esperanto-Stacio kie 10 partoprenantoj povas tranokti kvazaŭ en junulargastejo.

Tuj poste okazos la Simpozio "Virtual Reality and Language Learning" kie eblas renkontiĝi kun VR-spertuloj angle. Do eblas aliĝi por ambaŭ eventoj aŭ nur por la Seminario laŭplaĉe. La Esperanto-Stacio invitas vin partopreni por profundigi viajn sciojn pri edukado per VR.