En la 14a ĉapitro de la lerno-lego-libro "Vojaĝo en Esperanto-lando" de Boris Kolker ni denove trovos aron da rakontoj. Ekzemple estas ekstrakto de la libro "La bona lingvo" de Claude Piron aŭ raporto pri farmbieno en Francio, kie vizitantoj salutas la tutan bestaron. La plej granda rimarkindaĵo estas ansero Oskaro. Montriĝas, ke bonkoraj vortoj kaj mankareso plezurigas la anseron. Oskaro instruas vizitantojn pri la "politesse", kiu tradukiĝas ne sole kiel "ĝentileco", sed ankaŭ kiel "edukiteco". 
Atentu! La renkontiĝo okazos en Kulturladen St. Georg, Alexanderstr. 16, 20099 Hamburg, laŭ la aktualaj reguloj de la registraro de la urbo Hamburgo.