Meksika Esperanto Federacio (MEF) kaj lokaj organizantoj ĝoje invitas vin al la 15-a Meksika Esperanto-Kongreso (MEK), kiu okazos inter la 17a kaj 20a de aprilo 2025 en “Centro Educativo de la Lotería Nacional”, en la centra zono de Guadalajara, Jalisco.

Ĉi-okaze ni renkontiĝos por kunhavi sukcesojn, aventurojn kaj travivaĵojn pri kiel la, tiel nomata, “nova normalo” miksas virtualan, personan kaj hibridan spertojn devigante nin uzi multege da informadikaj aplikaĵoj kaj teknikiloj en la ĉiutaga vivo.

Danke al tiu ĉi “nova normalo” nia kara lingvo Esperanto disvastiĝas mondskale kaj ni, la esperantoparolantoj, utiligas tiun eblon por atingi amaskomunikilojn, sociajn retojn, fari retajn kursojn kaj havi rektan kontakton vid’- al vid’ kun homoj de la plej malproksimaj lokoj de la mondo.

Konklude nia agad’ kaj lernadmanieroj ŝanĝiĝis, tial kiel ĉefan temon de la 15a MEK ni elektis: “Novaj Teknologioj por Lernado”, kune kun ĝi ni pritraktos aliajn movadajn, instruajn, kunlaborajn temojn por plibonigi la nacian kaj, sekve, la internacian movadojn rekonante malnovajn kaj novajn defiojn. 

La programo de la 15a MEK enhavos diversajn erojn kiel prelegojn, kursojn, ludojn, distran programeron, ktp.
Konsideru, ke la evento okazos dum feriaj tagoj de Pasko, tial ni kuraĝigas vin baldaŭ okupiĝi pri transporto al Guadalajara kaj rezervi vian restadon plej rapide kiel eble, se vi bezonas ian helpon, ekzemple en la kazo de eksterlandanoj bv. kontakti nin.
EK!!! Aliĝu al la 15a Meksika Esperanto-kongreso, bv. plenigi la kongresaliĝilon, kiu troviĝas en la sekva ligo: https://forms.gle/JJPUWQyCxbUCPmkG8
Ĉeestu, divastigu, donacu, kunlaboru! Ajnaj komentoj, demandoj aŭ proponoj estas bonvenaj. Restu atenta al pliaj informoj kaj novaĵoj pri la kongreso, ĝi certe estos evento plena da lernado, avangardo, inspiro kaj, kun via partopreno, neforgesebla okazaĵo. 

Estas tempo revidi unu la alian kaj plej bonas fari tion dumkongrese!

Pliajn detalojn vi trovos en la retpaĝo de la asocio.