Vi lernas aŭ lernis Esperanton, sed vi uzas vian komputilon per la angla aŭ alia nacia lingvo. Vi ŝatus uzi ĝin per Esperanto, sed.. ĉu eblas? Kaj kiel?

La plej granda Esperanto-lando en la mondo nun estas: la Interreto. Kaj post la pandemio, Esperantistoj komunikas pli kaj pli interrete. Do, kiel, (kaj kial) ni povas komuniki, kaj komputumi, pli Esperante? Eble vi jam scias ke Fejsbuku kaj Guglo havas Esperantajn versiojn, sed ĉu vi scias ke vi povas komputumi Esperante, preskaŭ komplete? Dum ĉi tiu prelego, vi lernos pri multajn metodojn per kio vi povas vivi pli Esperante, uzante vian komputilon.

Ĝonatano uzas komputilon profesie, hobie, kaj lingvistike, kaj jam esploris la aferon. Vidu kion li lernis pri la temo kaj eksciu pri kiel kaj kial komputumi Esperante.