La Mez-Kanada Renkontiĝo de Esperanto (MeKaRo) estas turisma semajnfino, kiu okazas ĉiujare, alterne en Kebekio kaj en Ontario, dum la longa semajnfino en Majo, t.e., la semajnfino de la Tago Nacia de la Patriotoj en Kebekio kaj de la Viktorina Tago en Ontario. Ĝin organizas la Esperanto-Societo Kebekia kaj lokaj Esperanto-kluboj en Kebekio kaj Ontario.

MEKARO 2024

MEKARO 2024 okazos en Montrealo, de sabato la 18-a ĝis dimaĉo la 20-a de majo 2024.

Montrealanoj elkore invitas Esperantistojn ĝui la urbon, ĉu vi partoprenis la UK-n en 2022 aŭ ne. Montrealo estas multflanka kaj bunta urbo, kaj ĉiam restas io nova kaj malkovrinda!

La vespera programo okazos en ĉambro de  la kunvenejo Centre Saint-Pierre, kies adreso estas: 1212 rue Panet, Montréal, QC H2L 2Y7

Centre Saint-Pierre estas apud la metrostacio Beaudry, en la urbocentro. 

Ne estos aranĝita loĝebloj. Ĉiu devos do aranĝi sian propran loĝejon. Estos konvene loĝi en la urbocentro, sed ne nur, aparte se vi elektos loĝlokon apud metrostacio. La metroo rapide kaj komforte venigos vin urbocentren, sed ankaŭ al aliaj urbopartoj se necesos por iuj programeroj (ekz. Biodôme).

Eblas ankaŭ uzi aŭton, sed en multaj stratoj, la urbo pagigas parkumadon – sed ne ĉie. Atentu la stratŝildojn, parkumaj reguloj foje estas iom komplikaj! Se eblas, estas do rekomendite lasi la aŭton en ekzemple hotela parkumejo, kaj marŝi kaj/aŭ uzi publikan sistemon. Estas parto de la Montreala sperto.

Montrealo estas ankaŭ facila urbo por biciklantoj kaj piedirantoj. Facilas lupreni biciklojn el la reto “Bixi”.

12:00 - 15:00 – Alveno en restoracio Végo (1720 rue Saint-Denis, Montréal) – metrostacio: Berri-UQAM

15:00 - 18:00 – Taga programero 1: ekskurso “Urbocentraj preĝejoj”

18:00 - 20:00 – Vespermanĝo (urbocentre)

20:00 - 22:00 – Vespera programo (Centre Saint-Pierre) – metrostacio Beaudry

9:30 - 12:00 – Taga programero 1: ekskurso en Biodôme, en orienta Montrealo, apud la tre rekonebla olimpika stadiono de Montrealo – metrostacio: Viau

12:00 - 14:30 – Tagmanĝo 

15:00 - 18:00 – Taga Programero 2: ekskurso en Malnova Urbo

18:00 - 20:00 – Vespermanĝo (en malnova urbo)

20:00 - 22:00 – Vespera programo (Centre Saint-Pierre)

9:30 - 12:00 – Taga programero 1: Taga programero 2: Juda Montrealo en la tempo de Zamenhofo (gvidanto: Ĵenja Amis)

12:00 - 14:30 – Tagmanĝo kaj adiaŭo (se ne pluvos: pikniko apud la monumento Monument to Sir George-Étienne Cartier; se pluvos: restoracio en Mile-End). Oni povos aĉeti manĝaĵon por pikniko dumvoje.– metroo Mont-Royal + buso/marŝado

14:30 - 18:00 - Postkongresa ekskurso: Kanadaj Zamenhofoj: vizito al la la tombejo de la onklino (gvidanto: Ĵenja Amis)

Manĝado en Mile-End.