Mez-Anglia Semajnfino Esperantista
18:00 - 14:00
Eŭropo/Londono
Elekti horzonon
Kvartaga semajnfino por verŝajne inter 10 kaj 20 esperantistoj, dum kiu ĉefe estos uzata Esperanto.

InternaciaLokaKurso

Estos tabulludoj kaj kartludoj. Estos bonaj manĝaĵoj veganaj, vegetaraj, kaj fojete kun viando. Ni proponas ekskurson al Stratford-upon-Avon, la urbo de Shakespeare, kaj al Royal Leamington Spa.

Ĉeestantoj kun beboj kaj/aŭ esperantlingvaj infanoj estas tre bonvenaj.

Nova afero: vi estas invitita instrui aŭ trejni nin pri io. Vi certe scias fari ion, kion ni ne scias fari. Instruu al ni. Venigu ilojn kaj materialojn se vi volas. Se via instruota kapablo iel ligiĝas al la ĝenerala temo de daŭripova, ekologia vivado, des pli bone!

Mi esperas proponi kurson de Esperanto (trifoje ĉ. tri horoj) por komencintoj kaj progresantoj.

Por pli spertaj uzantoj de la lingvo, estos tempo por peti aŭ proponi helpon pri projektoj, ĉu traduko de kartludo, ĉu kreo de nova tabulludo, ĉu provlegado de alia verko, aŭ simile.

Sabaton, tiuj kiuj estas motivitaj iros al la loka Park Run. Tiuvespere, ni ĝuos 5-minutajn fulmprelegojn pri “la temo, kiu aktuale plej ekscitas vin”. Bonvolu kontribui!

Krom tio, estos sufiĉe multe da libera tempo por babili, ludi, naĝi, sidi aŭ ludi en la granda ĝardeno, kuiri, drinketi, ktp.

Informoj

mase.org.uk/
saluton(ĉe)mase.org.uk

Partoprenontoj tra Eventa Servo

0

Indiku ke vi partoprenos kaj vi ricevos memorigan retmesaĝon du horojn antaŭ la komenco de la evento.

Administranto
Tim Morley