Ateliero-33. Cignoj.
Kun granda plezuro ni anoncas la atelieron de tre talenta origamiisto el Brazilo, Eduardo Bonifácio – Boni, kiu afable akceptis la proponon montri siajn belegajn modelojn. Nia EsperOri grupo kunigas esperantistojn kaj origamiistojn el diversaj landoj, inkluzive tiujn origamiistojn, kiuj ankoraŭ ne parolas Esperanton. Partoprenante en Zoom-atelieroj ili aŭskultas nian lingvon kaj komencas lerni ĝin. Interese substreki, ke Boni komencis tuj uzi Esperanton por skribi en nia grupo en Telegram , kie vi povas trovi multajn fotojn de liaj unikaj origamioj.
En la atelieroj kaj prelegetoj de Larysa Osadchuk (asocio “Animation Création Cullture Origami”) ni volas prezenti origamion kiel nevortan universalan lingvon, kiu faciligas la komunikadon, kaj trovi en dialogo kun esperantistoj, ĝian aplikon por disvastigi Esperanton. Ni ankaŭ montros ke origamio ne estas nur la malnova japana arto por krei modelojn el papera kvadrato sen gluo kaj tondilo, sed nuntempe fruktodona scienco kaj tekniko, kiu laboras en diversaj kampoj: en matematiko, inĝeniera arto, arkitekturo, dizajnado, pedagogio kaj art-terapio.
Ĉiufoje ni faldos 2-3 interesajn modelojn rilate al la temo de la ateliero. Origamio iĝas pli kaj pli atentokapta ŝatokupo por ĉiuj en la mondo, sendepende de aĝo aŭ profesio; ĝi paroligas homojn kaj kreas etoson de konfido kaj ĝojo.
Origamio – «Festo, kiu estas ĉiam kun vi». Aliĝu!
Korajn dankojn al Carlos Oliveira, esperantisto kaj origamiisto el Brazilo, por la belega afiŝo kaj al Alain Delmotte, esperantisto kaj origamiisto el Francio, por teknika helpo.
La ateliero daŭros ekde la 20.00 ĝis 21.30 (laŭ la horzono de Francio, t.e. UTC+2) ĉi dimanĉon,
2.05.2021, ligilo por la virtuala ateliero de origamio:
Kunven-identigilo (Meeting ID): 854 0023 7948
Pasvorto (Password): la nomo de nia kara kaj komuna lingvo per minuskloj
Dosieroj
📸 Raportoj
🥳 Aldonu ligilojn al raportoj 🎉
Informoj