La legosalono de ĝentilhomoj estas projekto de Bobelarto. https://bobelarto.ink/ Ni renkontiĝas ĉiun duan sabaton (je 8:00 UTC kaj 14:00 UTC) en la Zoom-ĉambro de Bobelarto. Ni legas precize la samajn novelojn, tekstojn en ambaŭ sesioj. La diversaj tempoj estas por doni eblecon al ĉiu ĉirkaŭ la mondo partopreni sesion.

Ni legos rondelojn el la ĉi jara eldono de Rimleteroj kadre de la festjaro BAULDTON. Ni omaĝos al la 100-jaraj verkistoj Marjorie Boulton kaj William Auld.

Por ricevi la specialan PDF-on kun la teksto, enskribiĝu al la novaĵletero de Bobelarto en nia retejo: bobelarto.ink. Ni sendos al vi e-version de la legaĵo ĵaŭdon antaŭ la legosalono.

Ĝi daŭras unu horon kaj ni renkontiĝos en la Zoom-ĉambro de Bobelarto.

***

Ĝi taŭgas por vi, se vi deziras legi verkojn en Esperanto.

La gvidanto de la sesio, kutime Stela Besenyei-Merger, prezentas mallonge la elektitajn verkojn, kaj kial elektis specife tiujn ĉi.

Komencas legi verkon kune. Ni ĉiu legas, kaj ĉirkaŭdonas la eblecon al ĉiu laŭtlegi. La celo de la sesioj estas ĝui literaturon kune. Ne paroli pri ili, sed fakte legi kaj esti kun la teksto kun homoj, kiuj ankaŭ volas ekkoni tiun verkon. 

Fine eblas pridiskuti la legitan verkon, se homoj volas resti kaj priparoli ĝin.

La sesioj ne estos registritaj. Aperu ĝustatempe kaj spertu vivan literaturon kun ni!