La Esperanto-Dialogo pri Paco kaj Sekureco estas kontribuo al la evoluo de nuntempa paclaboro de la Esperanto-movado en dialogo kun aliaj pacaktivemuloj. 

Dum du semajnoj la tuta vilaĝo Halbe, kie troviĝas la Esperanto-Stacio, pleniĝos je arto pri la temo “Paco kaj milito”. 

Ni invitos infanojn, junulojn kaj plenkreskulojn kunlabori en la evoluo de artaĵoj. Politika debato pri la “Paco de la estonteco” kompletigos la programon. Nepre ne maltrafu la malferman festegon sabate, la 6-an de junio 2020.