Anopluroj (pedikoj, la subordo Anoplura) estas insektoj el la ordo Phthiraptera. Ili estas adaptitaj al vivo sur korpoj de siaj gastigantoj kaj suĉado de ilia sango. El tri specioj, kiuj parazitas sur homoj, estas la plej danĝera la pediko Pediculus humanus, kiu kaŝe vivas en faldoj de vestaĵoj kaj de tie atakas homojn. Ĝi facile disvastiĝas en lokoj, kie estas multe da homoj kaj malbonaj higienaj kondiĉoj (kazernoj, tranĉeoj, bunkroj, malliberejoj ktp.). En intesto de la pedikoj evoluas la rikecio Rickettsia prowazeki. Dum suĉado de la sango infektita pediko infektigas homon per la rikecioj, kiuj povas kaŭzi ekzanteman tifon (tio ne estas intesta tifo). Plej ofte post la 1-2 semajnoj malsanulo eksuferas de febro kaj tremfebro. Konscio de la malsanulo estas nebuligita, sed iam li havas halucinojn. Ĉefa simptomo estas ekzantemo sur korpo, sed nek sur faco nek sur palmoj. Se oni la malsanon efike ne kuracas, la malsanulo povas morti. Transmitadon de la rikecioj pere de P. humanus pruvis Charles Jules Henri Nicolle kaj inter militkaptitoj detale studis Stanislav Provázek kaj Henrique da Rocha Lima, kiuj ambaŭ infektiĝis kaj mortis. Pro tio oni la kaŭzanton de ekzantema tifo nomigis Rickettsia prowazeki da Rocha Lima, 1916. Dum la dua mondmilito Rudolf Weigl eltrovis la unuan efikan vakcinon kontraŭ ekzantema tifo. Tiel li savis vivojn de miloj da homoj, kiuj ĝustatempe estis vakcinitaj aŭ fabrikante la vakcinon laboris en lia instituto kaj tiel ili evitis transportojn en koncentrejoj. Nuntempe oni kapablas ekzanteman tifon kuraci per antibiotikoj (tetraciklino, kloramfenikolo). Aliaj du pedikaj specoj, kiuj parazitas sur homoj (Pediculus capitis kaj Phthirus pubis), la kaŭzanton de ekzantema tifo ne transmisias.
Prelegos:  Oldřich Arnošt Fischer
Lingvo: Esperanto

Ĉeesta programo, ne estos elsendata rete. 

La programo povas ŝanĝiĝi. Programo pro venonta renkontiĝo estas publikata kiel okazaĵo en kluba fejsbuka paĝo. Niaj membroj kaj favorantoj ricevas invitilon ankaŭ retpoŝte.

Kiel atingi la klubejon: La klubejo ne estas en la ĉefa parto de starto Hybeŝova, sed en mallonga sakstrato. Bonvolu rigardi en mapon. La plej proksimaj tramhaltejo estas Václavská (tramlinioj 1 kaj 2 el ĉefa stacidomo)