Prelego de Jacob Nordfalk:

La cifereca dependiĝo de Eŭropo: Historio, luktoj, esperoj kaj defioj.

Lastaj monatoj forte viglis la eŭropajn fortojn por cifereca sendependiĝo, precipe pro la ŝanĝiĝanta sinteno de la usona registaro: Ĉu Trump povus haltigi niajn telefonojn kaj komputilojn, se li volas perforte konkeri Gronlandon?

Kiel eŭropanoj, ni iĝis profunde dependaj de usonaj teknologiaj gigantoj, kiuj kontrolas niajn datumojn, komunikadon kaj digitalan vivon. Sed nun, movadoj tra Eŭropo luktas por redoni al ni la kontrolon: de popolaj kampanjoj kiel Tago de Cifereca Sendependeco ĝis teknikaj alternativoj kiel Mastodon kaj la Fediverso. 

Ĉu ni povas liberiĝi de la monopolo de Microsoft, Apple kaj Meta? Kiaj estas la realaj defioj – teknologiaj, politikaj kaj ekonomiaj – kaj kiel eŭropaj iniciatoj provas superi ilin? 

En la prelego ni esploros la historion, la nunajn batalojn kaj la estontecon de cifereca aŭtonomeco en Eŭropo. 

Publika dosierujo kun lumbildoj, notoj, ligiloj ktp troviĝas ĉe https://drive.proton.me/urls/9J2N9WZ0TG#vZcMQVGRGZ6A