La urbo de Bjalistoko, hodiaŭ en Pollando, estis tiutempe submetita al la cara imperio kaj estis loĝita fare de diversaj etnoj, kiuj malsamis en siaj apartaj politikaj, sociaj, lingvaj kaj religiaj pozicioj: la Rusoj (grek-ortodoksoj), estis plejparte oficistoj, laboristoj kaj armeanoj; la Judoj (jidlingvaj) estis komercistoj; kaj la Poloj (katolikoj) estis laboristoj.

La streĉiĝoj inter la diversaj etnoj estis fortaj kaj foje prenis perfortajn formojn, kiel Zamenhof mem rakontas en la Originala Verkaro, kun la aldono de ĉi tiu komento: "Ĉi tiu loko de mia naskiĝo kaj la jaroj de mia infanaĝo donis la unuan kurson al ĉiuj miaj postaj aspiroj."