Post tre sukcesaj Bibliaj Tagoj 2025 en Kaub, ni revenas al la belega regiono de la mezrejna valo. La urbeto St. Goar situas inter Majenco kaj Koblenco. Per pramŝipo eblas atingi la urbeton St. Goarshausen, de kie ni povos supreniri piede aŭ per buso al la mondfama roko Loreley.

Alia ekskurso kondukos nin al Koblenz, unu el la plej malnovaj urboj de Germanio, situanta ĉe la kunfluejo de la rivero Mozelo en la Rejnon.

St. Goar estas atingebla minimume ĉiuhore per trajnoj de Majenco kaj de Koblenz. La junulargastejo situas nur 10 min piede de la stacidomo.

La aldonaj fotoj donas impreson pri la pasintaj Bibliaj Tagoj 2025 en la proksima urbeto Kaub.