Ni kunvenos en Treviro (germane: Trier) je la 10-a horo je la fama romia urbopordego "Porta Nigra" (Nigra Pordo). Tie atendos nin ĉiĉerono por gvidi nin tra la urbo. Ni rigardos la plej elstarajn romiajn monumentojn kiel ekzemple la Nigra Pordo kaj la Imperiestraj Banejoj. Poste ni tagmanĝos en restoracio. Posttagmeze restos tempo por viziti aliajn romiajn vidindaĵojn. La tago finiĝos kun kafo kaj kuko en bela kafejo.