Imagu malgrandan rondan tablon kun buntaj seĝoj ĉirkaŭ ĝi, starantan sur bela trotuaro ĉe la rando de trankvila placo. La suno brilas, kaj ĉirkaŭe aŭdeblas mallaŭtaj bruetoj de la vivo. Ĉe ĉi tiu tablo regas malstreĉita etoso kaj amika babilado – perfekte taŭga por ĝui Esperanton.

Ĉi tiu tablo atendas vin, meznivelajn parolantojn de Esperanto! La celo de nia renkontiĝo estas doni al ĉiuj partoprenantoj la ŝancon libere paroli, plibonigi sian fluecon, kaj ĝui inspirajn konversaciojn. Por certigi, ke ĉiuj ricevu sufiĉe da tempo por esprimi sin, la nombro da sidlokoj estas limigita al 4-5.

La renkontiĝo daŭros unu, maksimume unu kaj duonan, horon. Tiel ni certigas, ke la etoso restos freŝa kaj energiplena por ĉiuj.

Por ke la konversacio estu pli fruktodona, ni petas, ke ĉiuj partoprenantoj iom preparu pri la temo antaŭ la renkontiĝo. Viaj kontribuoj povas esti bazitaj sur viaj propraj spertoj, io, kio okazis al amiko, aŭ eĉ produkto de via imago. La fokuso estas sur lingvopraktiko, ne sur la realeco de la rakontoj. Libere kreu, rakontu, kaj ĝuu!

Se vi interesiĝas pri sidloko ĉe nia tablo, bonvolu kontakti nin ĉe kontakto(ĉe)thesperanto.eu. Ni ĝojos sendi al vi inviton!

Por nia unua renkontiĝo, ni proponas la temon: "Unu timinda sperto, kiun mi neniam forgesos".

Prenu momenton por pripensi – ĉu vi rakontos veran sperton, ion, kio okazis al alia persono, aŭ eĉ inventos vian propran rakonton? La elekto estas via!