Kio estis la plej frua kanto en Esperanto, kiam aperis la unua Esperanto-disko aŭ kasedo, 

kaj ĉu la tradicie konataj „unuaj” ekzemploj vere meritas tiun titolon? 

En tiu ĉi prelego la aŭskultantoj estas invitataj al malkovra vojaĝo tra la historio de Esperanto-muziko, dum kiu oni kritike ekzamenas popularajn rakontojn, demetas persistantajn mitojn kaj prezentas surprizajn historiajn trovaĵojn, ekde preskaŭ forgesitaj registraĵoj de la 1920-aj jaroj ĝis miskomprenoj pri la supozataj komencoj de la muzika movado. 

La prelego estas samtempe informa kaj distra, celante ĉiujn, kiuj interesiĝas pri muziko, historio de Esperanto aŭ simple ĝuas vidi, kiel firmiĝintaj „veroj” dissolviĝas antaŭ zorgema esplorado.

Tiu ĉi evento estas organizita de la londona (LEK) kaj antverpena (LVS) kluboj.

Petu la zoom-ligilon ĉe:
https://londonaesperantoklubo.com/zoom.html

LVS-anoj povas peti la zoom-ligilon ankaŭ retmesaĝe (antaŭ 18:00 CET) ĉe:
esperanto-antwerpen@esperanto.be

Vi tiam ricevos retmesaĝon kun informoj vendredposttagmeze.