La 8a kunveno de VEK, la Veterana Esperantista Klubo, okazos lundon, la 1an de julio je la 15:00 UTC (Parizo-horo: 17:00).  Retligon, sube.

Aperitivo: Ni povas babili iomete pri la antaŭmonataj komentoj de la VEK-paĝo en Facebook.

Temo 1: Somero estas la epoko de niaj esperantaj kongresoj.  Landaj, fakaj kaj universala.  Kiam vi ĉeestis vian unuan kongreson?  Ĉu vi ĉeestos en Arusha ĉi somere?  Kial ne?  Kial jes?  Kaj kongesoj en antaŭaj jardekoj?  Kial jes?  Kial ne? Julio estas bona momento paroli pri niaj tradiciaj kunvenoj.  Ni aŭkskultos viajn rakontojn kaj anekdotojn.

Temo 2: Ĉio kion vi volas komenti pri vekaj temoj.

Se vi volas prezenti 5-minutan VEK-rilatan temon, bonvolu anonci tion ĉe la komenco de la kunveno.  Ne preparu lumbildojn, ne faru ppt-aĵojn.  Parolu, nur parolu.  Ni ŝatas vian voĉon!

Ahmad de ILEI proponis uzi la Zoom-konton de IrEA, per kiu okazas ankaŭ kunsidoj de Kunpens(ig)ado pri Esperanto en Universitatoj unuan lundon de ĉiu monato.

Ankaŭ la kunvenoj de VEK estos ĉiumonataj, en la unua lundo de la monato, je la 15:00 laŭ UTC (Vi povas ĉiam ekscii la UTC-horon en la Esperanta retejo: https://time.is/eo/UTC).  Kunvenoj registriĝas.

Jen la ĉiama Zoom-ligilo por partopreni en la kunsidoj de la VEK-anoj:

https://us02web.zoom.us/j/81515004796 
Nur se demandite:
Kunven-identigilo: 815 1500 4796
Pasvorto: la nomo de nia komuna lingvo per minuskloj.

Ĉu por paroli, ĉu por aŭskulti, bonvenon al ĉiuj.

Dennis Keefe.