Por memorfesti la naskiĝtagon de Zamenhof, Alagoana Asocio de Esperanto kaj la brazila sekcio de ILEI okazigos la ĉijaran Zamenhofan tagon je la 16-a de decembro ĉe la plaĝo Pajuçara, Maceió, Alagoas. Tiam ni disdonos flugfoliojn pri Esperanto, ni eksponos esperantaĵojn kaj ni invitos la homojn aliĝi al la baza kurso de Esperanto, kiu komenciĝos la venontan januaron.