Ĉiun jaron la naciaj Esperantaj asocioj ambaŭflanke de la Markolo starigas aranĝon, kie Esperanto-parolantoj povas kunveni, aŭskulti interesajn prelegojn kaj koncertojn, kaj amuziĝi. Kaj ĉio estas en Esperanto, la internacia lingvo.

La nuna aranĝo estos la 100-a tia en Britio, tial la Esperanto-Asocio de Britio kaj Espéranto-France kunfandis siajn aranĝojn en unun, nomatan kunkongreso. Ili elektis Dovron, ĉar la unua internacia kunveno de esperantistoj okazis tie kaj en Kalezo en 1904. Ni sekvos iliajn spurojn per pramŝipa vojaĝo al kaj ĉiĉeronado en Kalezo. Homoj dezirantaj resti sur malseka tereno ankaŭ povos ekskursi; samtage homoj vizitos Kastelon Dovro kaj la Blankajn Klifojn.