Okaze de la Bibliaj Tagoj de Esperanto-Ligo por Kristanoj en Germanio en la urbo St. Goar ĉe l' Rejno estos ankaŭ informa prelego pri Esperanto por ekstera publiko. La referanto Rudolf Fischer traktas la demandojn: Kio estas Esperanto? Kiu estas la celo de Esperanto? Kion oni povas fari per Esperanto? Poste la partoprenantoj ricevas materialon por malgranda enkonduko en Esperanton per praktikaj ekzercoj.