Jerzy Dryja prezentos Kalisz, la urbon de siaj lernojaroj. Ni diskutados pri ŝanĝoj en nia medio, nia loĝurbo okaze de la Monda Tago de la Medio. Kiel via urbo, vilaĝo ŝanĝiĝis? Kion ni povos, devos fari por plibonigo, plibeligo de nia natura medio?
Partoprenu la diskutadon, rakontu pri viaj spertoj, aldonu vian opinion. Ni lernu unu de la aliaj kaj pasigu kelkajn horojn en agrabla, amika etoso. Bonvenon al nia diskutrondo!
En ĉiu mardo inter 19:00-22:00 ni prezentas alian temon kaj diskutadas, interŝanĝas spertojn, opiniojn kun la celo, ke ni akiru pli bonan lingvan kapablon kaj eklernu interesaĵojn el la mondo per la uzo de la internacia lingvo Esperanto. Bv. atenti, ke depende de la temo kaj la diskutemo de la partoprenantoj la kunveno povas finiĝi pli frue.
La virtualaj klubkunvenoj realiĝas en kunlaboro kun la regiona plenkreskula edukinstituto (LEB). Jen
la listo de la temoj, prezentadoj por la jaro 2024 sur nia hejmpaĝo.