13:00 - 13:00
Eŭropo/Berlino
Elekti horzonon
Printempa Semajno Internacia

Internacia

 
PSI 2023 en Wittenberg 
Fine renkontiĝi reale denove 
 
La Printempa Semajno Internacia (PSI) estas aranĝo de Germana Esperanto-Asocio (GEA), kiu okazas ĉiam ĉirkaŭ Pasko (psi.esperanto.de). En 2023 la PSI okazos en la Luther-urbo Wittenberg (www.wittenberg.de). Wittenberg estas historie kaj kulture ege ekscita, kaj la regiono ofertas tre interesajn ekskurscelojn, inkluzive de la "Bauhaus"-urbo Dessau kaj la Parko de Wörlitz. Al la PSI estas invitataj geamikoj de la Esperanto-lingvo kaj -kulturo de ĉiuj aĝoj el Germanio kaj el eksterlando. Esperanto-komencantoj estas varme bonvenaj kaj ĉiam povas partopreni en kurso por komencantoj, progresantoj ankaŭ ricevos siajn ofertojn. 
 
Ni aparte bonvenigas junulojn kaj familiojn kun infanoj unuflanke kaj partoprenantojn el eksterlando aliflanke, ĉar: la estonteco apartenas al infanoj kaj gejunuloj, kaj komunikado kun eksterlandaj homoj estas esenca elemento de nia Esperanto-kulturo. Dum la matenoj de la PSI-semajno ĉiam okazas prelegoj, lingvokursoj kaj manlaboroj, posttagmeze kutime pluraj ekskursoj estas ofertataj paralele. Vespere estas ofte ludoj, kulturaj agadoj kaj memkompreneble nia renkontejo en la knajpo. 
 
Por la PSI-semajno 2023 (3a–10a de aprilo 2023) ni povis rezervi por ni la tutan junulargastejan konstruaĵon en Wittenberg (http://djh.de/3a31d8a636). Tamen ni povas konservi ĉi tiun rezervon de la tuta domo nur, se almenaŭ 60 partoprenantoj aliĝas ĝis la 15a de januaro 2023. Aliĝoj ĉiam eblas ĉe psi.esperanto.de
 
Ankoraŭ unu noto: se la PSI devis esti nuligita en la pasinteco pro la korona pandemio, la jam pagitaj kostoj estis ĉiam plene repagitaj. 
 
Do: helpu reaktivigi la PSI kaj aliĝu kiel eble plej baldaŭ – psi.esperanto.de/#alighi
 
Ni – la PSI-teamo – antaŭĝojas revidi vin aŭ konatiĝi kun vi en Wittenberg, tiam ni havos agrablan semajnon en Wittenberg. 
Dosieroj
Informoj

psi.esperanto.de/eo/2023/
psi(ĉe)esperanto.de
Jugendherberge Wittenberg, Schlossstr. 14/15

Interesiĝantoj

2

Indiku ke vi interesiĝas kaj vi ricevos memorigajn retmesaĝojn pri la evento.


Ralf HAUMER


Stefan Krieghoff

Administranto