Venu al okcidenta Ilinojso kaj konversaciu kun niaj du estimataj gastoj:

Chuck Smith frue aktiviĝis en la Esperanto-movado, kaj kiel relativa komencanto jam klarigis en kongresoj siajn revojn pri lanĉo de Vikipedio (lia unua sukcesa Esperanta projekto). Li konvinkiĝis pri la valoro de la lingvo uzante la Pasportan Servon kaj servante unu jaron en la Centra Oficejo en Roterdamo kiel volontulo de TEJO. Li poste iniciatis Eklaboru kaj Amikumu, kunfondis la Esperantan kurson en Duolingo, kaj intervjuiĝis interalie pri kial lerni Esperanton por YouTube.

Judith Meyer kunfondis la poliglotajn renkontiĝojn "Polyglot Gatherings", kiuj venigis multajn dediĉitajn lingvoparolantojn al Esperanto, programis maŝintradukilon uzante Esperanton, kunverkis la plej modernan lernolibron pri Esperanto por anglalingvanoj, Complete Esperanto: Learn to read, write, speak and understand Esperanto (Teach Yourself), kreis lingvolernajn retejojn kiel learnlangs.com, kaj plurajn videojn, inkluzive la furoran filmeton "Esperanto: like a native".

Por ricevi detalojn (adreson ktp) bv kontakti pegazo@sbcglobal.net.

https://esperanto-stl.weebly.com/events.html