🖥 MondaFest 2020
12:00 - 18:00
Eŭropo/Amsterdamo
Elekti horzonon
Monda Festivalo de Esperanto

Internacia

La Monda Festivalo de Esperanto - MondaFest' 2020 - estas internacia tutmonda festivalo organizata de UEA, tutsezone, de 20/06/2020 (sabaton) ĝis 20/09/2020 (dimanĉon). La programo de la festivalo konstante ĝisdatiĝos en Eventa Servo, ĉi tie kaj laŭ apartaj eventoj por memstaraj programeroj ene de la festivalo. Kadre de MondaFest' 2020 okazos la Virtuala Kongreso de Esperanto (VK), de 01-08/08/2020.

(ĝis la 14-a de junio!) Konkurso por emblemo(j): Se vi estas artema aŭ entuziasma pri la la ideo de MondaFest' 2020 kaj VK, UEA alvokas vin sendi proponojn pri emblemoj ĝis inkluzive la 14-a de junio al la Ĝenerala Sekretario de UEA Aleks Kadar per alekska@gmail.com. La Estraro de UEA prijuĝos la proponojn kaj oficiale anoncos la gajninto(j)n de la konkurso la 20-an de junio dum la inaŭguro de MondaFest’ 2020. La premio estos senpaga aliĝo al Universala Kongreso en 2021 aŭ 2022 kaj unu-jaran membrecon en UEA, se la gajninto(j) ne estas membro(j). La Estraro povos aljuĝi pliajn premiojn al aliaj escepte bonaj proponoj.

Via evento en MondaFest' 2020! Nia festivalo estas de la tuta komunumo: se vi havas ideojn aŭ proponojn pri eventoj, kiuj povos okazi, aŭ deziras, ke evento via okazu kadre de MondaFest’ 2020 aŭ VK, bv. kontakti la organizteamojn pere de la Estraro de UEA: estraro-2019-kaj-observantoj@googlegroups.com. Aprobitaj eventoj kadre de MondaFest’ 2020 povos anonciĝi uzante la emblemon kaj nomon de la festivalo, inkluzive en EventaServo.org.

PROGRAMO (konstante ĝisdatigata)
20/jun - Somera Inaŭguro
26/jun - Tago de Azio kaj Oceanio
27/junio - 65-a AMO-seminario: "Landaj Asocioj - Leviĝantaj Agantoj" (sendu proponojn ĝis la 20-a de junio!)
29/jun-03/jul - NASK 2020 1-a parto (registriĝu ĝis la 22-a de junio!)
06/jul-10/jul - NASK 2020 2-a parto
11/jul-18/jul - 76-a Internacia Junulara Kongreso (IJK)
18/jul-26/jul - SES kaj SEP - Somera Esperanto-Studado kaj Somera Esperanto-Programado
25/jul-31/jul - Virtuala Esperanto-Konferenco de ILEI (VEKI)
01/aŭg-08/aŭg - Virtuala Kongreso de Esperanto (VK)
20/sep - Printempa Inaŭguro
Informoj

mondafest2020(ĉe)googlegroups.com

Administranto