📅 Dimanĉo, la 14-a de decembro 2025
🕕 Komenca horo: 18:00 (Eŭropo/Ateno)
🔗 Google Meet: https://meet.google.com/cmp-ixfz-wra

La familio de Spiros Sarafian kaj la Helena Esperanto-Asocio invitas vin al malferma reta omaĝa evento honore al unu el la plej elstaraj grekaj esperantistoj.

Spiros Sarafian estis:
• verkisto de grekaj beletraj kaj poeziaj verkoj,
• kreinto de propra instru-metodo por Esperanto, kaj aŭtoro de greko–esperantaj kaj esperanto–grekaj vortaroj,
• tradukisto de grekaj klasikaj aŭtoroj en Esperanton (Herodoto, Platono, Plutarko k.a.),
• pedagogo kiu lasis profundan spuron en la greka esperantista komunumo.

Dum la evento estos prezentataj fotoj, filmetoj kaj arkivaĵoj el lia vivo kaj agado, kaj oni aŭdos mallongajn paroladojn de:

• Panos Maniotis – Pri Sarafian kiel homo, verkisto kaj poeto
• Kostas Kiriakos – Pri lia leksikografia laboro, lia instru-metodo, kaj lia kontribuo al la Helena Esperanto-Asocio kaj la Helena Esperanto-Akademio
• Andreas Zervas – Pri la grava subteno de Sarafian al projektoj kiel la greka traduko de la Zagreba Metodo kaj la kreado de la reta gramatiko de Esperanto en la greka lingvo.

Estos ankaŭ mallongaj intervenoj de amikoj, lernantoj kaj kunlaborantoj.

La ĉi-foja omaĝo okazos en la greka lingvo, ĉar partoprenos multaj amikoj kaj konatoj de la familio, kiuj ne parolas Esperanton.
Materialo el la evento estos poste uzata por estonta memora programo en Esperanto.

La evento estas malferma al ĉiuj.
Ni ĝojos renkonti vin.