Prof. Pascal Dubourg Glatigny faras esplorojn pri la historio de esperantistaj medioj en la intermilita periodo en la Centre Alexandre Koyré en Parizo. Li estas redaktoro de la scienca blogo Militrakonto kaj kunordiganto de iniciatoj celantaj savi kaj protekti la esperantan heredaĵon.

Ek de la 9-a de Decembro 2025 ĝis 31-a de Marto 2026 estas, en la akceptejo de la Nacia Biblioteko de Pollando, vizitebla ekspozicio pri la bicikla vojaĝo "per kaj por Esperanto" de Lucien Péraire, juna franca manlaboristo, okazinta inter 1928 kaj 1932.

La ekspozicio estas senpage vizitebla, ĉiutage de Lundo ĝis Sabato, inter 8h30 kaj 20h30, ĉe :
Biblioteka Narodowa
al. Niepodległości 213
02-086 Warszawa
Metrostacio : Pole Mokotowskie

La poŝtkarto de la ekspozicio :

La vitra montro-tablo n° 11 :

Videblas 150 dokumentoj kaj objektoj, en 17 vitraj montro-tabloj : ili rilatas kun la E-movado en la epoko de la vojaĝo, notinde en Pollando, ili devenas de la Nacia Biblioteko de Pollando (kiu nun entenas la Bibliotekon Hector Hodler de U.E.A.), venas de la Esperanto-Muzeo en Vieno, kaj de la persona kolekto de Lucien Péraire (pasporto, fotoj, taglibroj, mapoj, flagoj) kiun li donacis al Esperanto-France ; ĉio-tio estas rigardebla en la ekspozicio — krom la biciklo !

Unu el la multegaj epizodoj de la vojaĝo : je Vendredo 24-a de Novembro 1930, kun ge-sinjoroj Chung, ĉinaj Esperantistoj en Nankino, Lucien vizitis per fiakro la ĉirkaŭaĵojn :